Kontzertuak ikustera joaten ziren lagun batzuen ideiaz sortu zen Afonia, 2001eko bukaera aldera. Hasieran, Pizzi (Bateria), Pepino (Gitarra), Aratz (Bajua) eta Ijurko (Ahotsa) izan ziren taldea sortu zutenak. Beraien lehen kontzertua, 2002an eman zuten, Hernaniko San Juanetan.

2004ko Aste Santutan lehen maketa kaleratu zuten. Maketa hau 8 abestiz zegoen osatua. 2005eko Otsaileko astebukaera batean berriz, beste single bat argitaratu zuten Puzkarra Recordsen eskutik.

Nahiz eta urte batean maketa eta single bat kaleratua eduki, lehen disko luzea2005 eta 2006 urte artean iritsi zen. Diska grabatzen ari zirela ordea, Ijurkok taldea utzi zuen eta bere ordez Dani sartu zen abestera eta diskoaren grabaketa amaitzera. Honen ondorioz, diskoko abesti batzuk, Ijurkoren ahotsarekin entzun daitezke eta beste batzuk berriz Danirenarekin.

2007ko Irailean, Danik taldea utzi zuen eta bere ordez Negro sartu zen abestera. Negro lehendik, Komando Itinerante taldean ibilitakoa zen. 2008an, Lixo Gara diska kaleratu zuten. Kasu honetan, Galiziarrak diren Post Mortem taldearekin elkarbanatua irten zen, CD formatuan. Diska hau, 4 zigilu ezberdinek finantzatu zuten.